"ქართული ქართველთ რწმენაა"---IX და X კლასში ქართული ლიტერატურისა და საღვთო სჯულის ინტეგრირებულ ლექცია-გაკვეთილზე მსჯელობა-არგუმენტირებით მოსწავლეებმა შეფასეს აბო თბილელისა და გაბრიელ ეპისკოპოსის რწმენა, ერთგულება, თავგანწირვა და სიყვარული როგორც ქრისტიანული კეთილდღეობის მაგალითი.
ინტეგრირებული ლექცია - გაკვეთილი ჩაატარეს საღვთო სჯულის პედაგოგებმა : დეკანოზი დანიელ სოლომონიძემ და ხათუნა მიმინოშვილმა, ქართული ენისა და ლიტერატურის მასწავლებელმა ჯული კაკაბაძემ.
წარმატებული თანამშრომლობისა და სკოლის პოზიტიური საგანმანათლებლო საქმიანობის წარმოჩენის აღსანიშნავად, Etaloni.ge-ს გუნდი
მადლობას გიხდით ჩართულობისა და თანამოაზრეობისათვის.
იმედი გვაქვს, 2026 წელსაც უწყვეტად გაგრძელდება საგანმანათლებლო აქტივობების საქვეყნო წარმოჩენის საქმეში თქვენი და თქვენი სკოლის აქტიური ჩართულობა.
23 ნოემბერს, მართლმადიდებლური ეკლესია წმინდა დიდმოწამე გიორგის ხსენების დღეს აღნიშნავს. გიორგობა წელიწადში ორჯერ აღინიშნება, 6 მაისს ეკლესია წმინდანის აღსრულების დღეს აღნიშნავს, 23 ნოემბერს კი– ბორბალზე წამების დღეს. დღევანდელ დღეს, გიორგობა მხოლოდ საქართველოში აღინიშნება.
იაკობ გოგებაშვილის კვირეულის ფარგლებში IV კლასს ვესტუმეთ, სადაც მოსწავლეებმა ჯგუფურად იმუშავეს და შექმნეს საინფორმაციო პროექტები, ბუკლეტები და ილუსტრირებული წიგნები.პროექტორის საშუალებით ვუყურეთ იაკობ გოგებაშვილის შესახებ შემეცნებით მასალას, რაც ბავშვებისთვის განსაკუთრებით საინტერესო და ამაღელვებელი იყო.მოსწავლეებმა პრეზენტაციებით გაგვიზიარეს ინფორმაცია იაკობ გოგებაშვილის ცხოვრებისა და მოღვაწეობის შესახებ.გაკვეთილი შთაბეჭდილებებითა და ემოციებით სავსე გამოვიდა.
მეორე - მესამე კლასის მოსწავლეები
აქტიურად იყვნენ ჩართული იაკობ გოგებაშვილის კვირეულში, ერთხელ კიდევ იმოგზაურეს იაკობისა და დედაენის სამყაროში, პატარები კვირეულის ფარგლებში ეცნობოდნენ და იხსენებდნენ იაკობსა და მის უკვდავ დედა ენას, მეორე კლასის მოსწავლეებმა შემაჯამებელი გაკვეთილისთვის მოამზადეს ლექსები, ჩანახატები, დაუწერეს იაკობს მადლობის წერილები, მოამზადეს აფიშები, თავიანთი ,,ტკბილი ენითა და ხელით" ასე გაალამაზებს კვირეულის დასკვნითი დღე
მესამე კლასის მოსწავლეებს ჩაუტარდათ პროექტ-გაკვეთილი ,,მადლობა იაკობ" გაკვეთილზე ბავშვები მუშაობდნენ ჯგუფურად იაკობის მოთხრობებზე, მათ საინტერესო პრეზენტაციები წარმოადგინეს, გაკვეთილის ბოლოს კი ხელნაკეთი წიგნები აჩვენეს მოწვეულ სტუმრებს..
მადლობა პატარებს აქტიურობისთვის, მათ უკვე იციან რაოდენ მნიშვნელოვანია იაკობი და მისი დედა ენა, ერის წიგნი, მათი მომავალი განათლებისა და პიროვნებად ფორმირებისათვის ..
კვლავ გრძელდება იაკობ გოგებაშვილის კვირეულისადმი მიძღვნილი დღესასწაული:
დღეს პირველ კლასელთა "შეხვედრა ანბანთან " საინტერესო აქტივობისა და დიდი ზეიმის დღედ იქცა.
ბავშვებისთვის საწყის ეტაპზე წერა- კითხვასთან ზიარება თავგადასავლებით მდიდარი დროა.
მათი ცხოვრების ამ ეტაპზე მნიშვნელოვანია, რომ სწავლა იყოს სახალისო და მრავალფეროვანი.
დამრიგებელმა მარიამ სიხარულიძემ საჩვენებელი გაკვეთილი გამართა, სადაც მოსწავლეთა შესაძლებლობები სხვადასხვა ტიპის აქტივობებით წარმოაჩინა.
იაკობ გოგებაშვილის დაბადების დღისადმი მიძღვნილი კვირეულის ფარგლებში ამჟამად მე-2 ბ კლასს ვესტუმრეთ.
სადაც იაკობ გოგობაშვილის იუბილესთან დაკავშირებით ისაუბრეს მის მოღვაწეობაზე, იაკობის ღვაწლზე ქართულ ლიტერატურაში.
ჩამოთვალეს მათთვის ნაცნობი გოგობაშვილის მოთხრობის პერსონაჟები.
მიწერეს მადლობის წერილი გოგებაშვილს.
პედაგოგი #თამარრობაქიძე
გიმნაზიაში დაიგეგმა აქტივობებით სავსე კვირეული.
პირველი აქტივობა:
კალიგრაფიის მასტერკლასი იაკობ გოგებაშვილის საიუბილეო თარიღს მიეძღვნა..
იაკობმა მადლიანი ანბანით გვაზიარა ცოდნის სამყაროს, შეგვაძლებინა ქართული ანბანით გაგვეკვალა გზა, ანბანი ხომ უჩინრად ამაგრებს იმას, რაზეც მთელი ერის სული დგას...იაკობის ანბანი ჩვენი აზროვნების, რწმენისა და სიბრძნის იარაღად იქცა, ამიტომაც გადავწყვიტეთ პატარებს ადრიდანვე გაეთვიცნობიერებინათ მისი მნიშვნელობა, ამ აქტივობის მიზანიც სწორედ ეს იყო ..
5 ოქტომბერი მასწავლებლის საერთაშორისო დღეა!
გ ი ლ ო ც ა ვ თ !
მადლობა გიმნაზიის თითოეულ პედაგოგს დაუღალავი შრომისათვის, სიყვარულისათვის, დაე მრავალი თაობა აგღეზარდოთ ღირსეულად!
ქობულეთის მუნიციპალიტეტში, საქართველოს განათლების, მეცნიერებისა და ახალგაზრდობის სამინისტროს ინიციატივით, მასწავლებლის ეროვნული პრემიის ფარგლებში, დამსახურებულ პედაგოგთა დაჯილდოება გაიმართა.
მომავალი თაობების აღზრდასა და განათლებაში შეტანილი განსაკუთრებული წვლილისთვის, მადლობის სიგელი გადაეცა ჩვენი გიმნაზიის მასწავლებელს გულნარა მაისაიას.
ვულოცავთ მას ამ ღირსეულ ჯილდოს
და უამრავ წარმატებას გისურვებთ. დეკანოზი დანიელი
გიმნაზიამ ტრადიციისამებრ 14 სექტემბერს განაახლა სასწავლო პროცესი, ეს დღე დღესასწაულია ყველა მოსწავლისთვის, განსაკუთრებით პირველი კლასელებისთვის, როცა პირველად შეაბიჯებ ცოდნის სამყაროში.
სკოლის დირექტორმა დეკანოზმა დანიელმა დალოცა თითოეული გიმნაზიელი, ჩაატარა სადღესასწაულო პარაკლისი, წარჩინებულ მოსწავლეებს გადასცა სამახსოვრო სიგელები და წარმატებული სასწავლო წელი უსურვა.
14 სექტემბერი (ახ. სტ.) - დაწყება ინდიქტიონისა ანუ საეკლესიო ახალი წლისა.
🕊ყოვლისა დაბადებულისა შემოქმედო, ჟამთა და წელთა თვისითა ხელმწიფებითა დამსხმელო, აკურთხე გვირგვინი ამის წელიწდისა სიტკბოებითა შენითა უფალო.
#გვირგვინი_წელიწადისა
გიმნაზიის 2023-24 წლის კურს დამთავრებულ ოქროს მედალოსნებს: ხატია გორგილაძეს, ნია აბუსერიძეს და გვანცა ლაზიშვილს გიმნაზიის დირექტორმა დეკანოზმა დანიელმა გადასცა "ზოგადი განათლების საშუალო საფეხურის საგანმანათლებლო პროგრამის წარჩინებით დაასრულების" დამადასტურებელი ოქროს მედალი და სერტიფიკატი სკოლა ულოცავს მათ ამ დამსახურებულ ჯილდოს და მომავალშიც წარემატებებს უსურვებს მათ!
გიმნაზიის კურსდამთავრებულებს სიყვარულითა და სიამაყით ვულოცავთ სტუდენტობას. ორმა კურსდამთავრებულმა მაგდა დუმბაძემ და თათია კონცელიძემ 50%-ნი გრანტი მოიპოვა, რითაც ძალიან ამაყები ვართ. მაგდა დუმბაძე, ანა ბერიძე, ანა ველიაძე, ანუკი დუმბაძე, ლიზი იმნაძე - ბათუმის შოთა რუსთაველის სახელმწიფო უნივერსიტეტი;თათია კონცელიძე - ალტე უნივერსიტეტი;ვანო ფალავანდიშვილი, საბა ზოიძე - საზღვაო აკადემია;ანრი ათაბაძე - ბათუმის ნავიგაციის ინსტიტუტი;გვახარებს მათი წარმატება და ბედნიერ და ნაყოფიერ სტუდენტობას ვუსურვებთ.
30 ივნისს ჩატარდა მოსწავლეთა კონფერენცია ვიზუალურ პროგრამირებაში!
კონფერენციაში მონაწილეობა მიიღეს IV-VI კლასის შერჩეულმა მოსწავლეებმა და მასწავლებლებმა, რომლებმაც წარმოადგინეს Schratch-ის პროგრამირების გარემოში შექმნილი უნიკალური და კრეატიული ნამუშევრები.
კონფერენციაში მონაწილეობას ღებულობდა ჩვენი გიმნაზიის მე-6 კლასის მოსწავლე გიორგი უგრეხელიძე და კომპიუტერული ტექნოლოგიის პედაგოგი მაკა კალანდაძე .
წლევანდელი კონფერენციის თემა "ვეფხისტყაოსანი" იყო, სადაც მონაწილეებმა თავიანთი ციფრული პროექტებით განსხვავებული თვალით გვაჩვენეს პოემის სამყარო.
კიდევ ერთხელ ვულოცავ ამ გამარჯვებას გიორგი უგრეხელიძეს და მის პედაგოგს მაკა კალანდაძეს, კვლავ წარმატებებს ვუსურვებთ.
დღეს ჟრიამულით იყო სავსე გიმნაზიის ეზო, სპორტის პედაგოგმა და მეორე კლასის დამრიგებელმა ხათუნა მამულაიშვილმა ცხოვრების ჯანსაღი წესის პოპულარიზაციის მიზნით მეორეკლასში ჩაატარეს სპორტული შეჯიბრი „მხიარული სტარტები“ მშობლებთან ერთად. მოსწავლეები რამდენიმე კვირის განმავლობაში სპორტის გაკვთილებზე ემზადებოდენენ აღნიშნული შეჯიბრისთვის და მოუთმენლად ელოდნენ ამ დღეს.
აქტივობამ ძალიან ხალისიანად ჩაიარა. პატარების მონდომება და ემოციები გადამდები იყო დამსწრე პირებისთვის და ჟიურის წევრებისთვის.
შეჯიბრი ფრედ დამთავრდა, გაიმარჯვა მეგობრობამ და ყველა მონაწილე წარმატებული მონაწილეობისთვის დაჯილდოვდა სიგელით.
მადლობა მშობლებს “მხიარულ სტარტებში” მონაწილეობისთვის.
მსგავსი აქტივობების ჩატარება მოსწავლეებში ჯანსაღი ცხოვრების პოპულარიზაციას ემსახურება.
როგორც დიდი ილია ამბობდა:"ჩვენ პირთან საქმე არა გვაქვს,ჩვენ საზოგადო ჭირზედა ვწერთ და მიზეზი კეთილის ცუდად ახდენისა ჩვენი გულგრილობა და განთვითოეულება არის,რომელიც იყო,არის და სამწუხაროდ,მომავალშიც იქნება და წამალი ამ მიზეზის მოსპობისა მხოლოდ ერთია--ურთიერთთან კავშირი და ურთიერთობისთვის გულმტკივნეულობა"...
სწორედ ასე დაინახეს გიმნაზიის მე-9 კლასის მოსწავლეებმა სოციალური უთანასწორობა "სარჩობელაზედ" მიხედვით,გაითავისეს თითოეული როლი და სცენაზე წარმოგვიდგინეს იმიტირებული სასამართლო...
ქართული ენისა და ლიტერატურის მასწავლებელი ჯული კაკაბაძე ყოველთვის ცდილობს მოსწავლეებს დაანახოს თითოეული ნაწარმოების საჭიროება ყოფით ცხოვრებაში, ისწავლონ სწორად შეძლონ ადამიანების შეფასება, დაფასება და მართალი გზით ცხოვრება. არაერთხელ გააცოცხლა მოსწავლეების დახმარებით სხვადასხვა ნაწარმოების გმირები. მადლობას მას დაუღალავი შრომისთვის.
მადლობა თითოეულ მოსწავლესა და გიმნაზიის თითოეულ წევრს გაწეული თანადგომისთვის, გვეიმედებით
ჩვენი გიმნაზიის დირექტორს დეკანოზ დანიელს, ვულოცავთ იუბილეს. გისურვებთ ჯანმრთელობას, ბედნიერებასა და წარმატებას თქვენს საქმიანობაში. დაე, უფალმა დაგლოცოთ და დაგიცვათ, და მოგცეთ ძალა და სიბრძნე, რომ გააგრძელოთ თქვენი მნიშვნელოვანი მისია.მადლობას გიხდით ყველაფრისთვის, რასაც აკეთებთ ჩვენი გიმნაზიისთვის. გისურვებთ, რომ ეს დღე სავსე იყოს სიხარულითა და სიყვარულით.
5 ივნისს სტუდია "მზის სხივების" ნორჩმა მხატვრებმა და ხელმძღვანელმა თამუნა სარჯველაძემ გიმნაზიის ეზოში წარმოგვიდგინეს შემაჯამებელი გამოფენა.
გამოფენა სავსე იყო ფერებით ,სიხარულით და დადებითი ემოციებით
საოცარი ნახატები ვიხილეთ, იყო უამრავი ემოცია, მხიარულება, ფერადი ცარცებით გაგვიფერადეს გიმნაზიის ეზო.
ვნახეთ თუ როგორ ფანტაზია, ხედვის უნარი აქვს თითოეულ მოსწავლეს .
მადლობა რომ ულამაზებთ და აძლევთ მომავალ თაობას საშუალებას ლამაზ ფერებში დაინახონ სამყარო.
“ეს საქართველოა -ჩვენი მომავალი “
ჩვენმა პატარებმა დაასრულეს პირველი კლასი და საქართველოს დამოუკიდებლობის დღისადმი” მიძღვნილი ღონისძიებით დაგვემშვიდობნენ მომავალ წლამდე.
ღონისძიება სავსე იყო სიხარულითა და პატივისცემით. ბავშვებმა მთელი გულით მოამზადეს თავიანთი გამოსვლები, რათა გამოხატონ სიყვარული და პატივისცემა სამშობლოს მიმართ.
მათ წარადგინეს სხვადასხვა ნომრები - სიმღერები, აქტიურად იყვნენ მშობლები ჩართულო ღონისძიებაში რომლებიც საქართველოს ისტორიასა და კულტურას შეეხებოდა.
სკოლის დირექტორმა, დეკანოზმა დანიელმა დალოცა თითოეული მოსწავლე, წინსვალა და წარმატება უსურვა მათ.
ეს დღე იყო სიხარულისა და სიყვარულის ზეიმი, რომელიც პირველი კლასელების გულებში სამუდამოდ დარჩება.
მადლობა კლასის ხელმძღვანელს Irma Koncelidze -ს გაწეული შრომისთვის, მარტივი არაა იყო 43 მოსწავლის დამრიგებელი და დაიმსახურო დიდი სიყვარული.
Powered by aSc EduPage
