29 დეკემბერს 2025-2026 სასწავლო წლის პირველი სემესტრის შეჯამება მოხდა პედაგოგიურ საბჭოზე. სასწავლო წლისა და მიმდინარე სემესტრის ანგარიში წარადგინა სკოლის დირექტორმა დეკანოზმა დანიელმა.
სასწავლო წელი მიმდინარეობდა სასკოლო სასწავლო გეგმის შესაბამისად. სასწავლო-სააღმზრდელო პროგრამები, რომელიც დაგეგმილიიყო აღნიშნულ სასწავლო წელს, შესრულდა და საკმაოდ წარმატებითაც დასრულდა. შემუშავებულ იქნა შიდა სასკოლო პროექტები, ეს პროექტები იყო როგორც საგნობრივი და ჯგუფური სახის, ასევე ინტეგრირებული. ასეთი სახის მუშაობამ გამოიწვია მოსწავლეებში მოტივაციის გაზრდა. სკოლა აქტიურად ჩაერთო საქართველოს განათლებისა და მეცნიერების სამინისტროს და სხვადასხვა ორგანიზაციის მიერ გამოცხადებულ კონკურსებში.შემუშავდა სასკოლოსასწავლო გეგმა მოსწავლის შესაძლებლობების, მიზნებისა და მიდრეკილებების გათვალისწინებით.სასკოლო სასწავლო გეგმა შეესაბამებოდა ეროვნულ სასწავლო გეგმას და გამომდინარეობდა ეროვნული სასწავლო გეგმის მიზნებიდან. ეროვნულ სასწავლო გეგმაში განხორციელებული ცვლილებები ასახულ იქნა სკოლის სასკოლო სასწავლო გეგმაში. სკოლამ კანონმდებლობით დადგენილი წესით აირჩია დისციპლინური კომიტეტი, რომელშიც თანაბარი რაოდენობით შედიან მშობელი, მასწავლებელი და მოსწავლე. ეს კიდევ ერთხელ ხაზს უსვამს, იმ ფაქტს, რომ მშობლები, მასწავლებლები და მოსწავლეები აქტიურად არიან ჩართულნი სასკოლო სასწავლო პროცესში.
2025-2026 სასწავლო წელს აქტიურად მიმდინარებდა მონიტორინგი, გაკვეთილებზე დასწრება, საგანმანათლებლო პროცესის დიაგნოსტირება და სწავლების ხარისხის შეფასება.
ბოლოს სკოლის დირექტორმა გიმნაზიის თანამშრომლებს გადასცა საჩუქარი “ახალი აღქმა”. დალოცა და მიულოცა დამდეგი შობა-ახალი წელი.