„საუკუნეთა ჯურღმულებიდან მოჩქეფს და მოწვეთავს „ხმათა ხავერდების და ღმერთების ენა“---ასე იცნობს ჩვენი მომავალი თაობა მრავალ ჭირ-ვარამ გამოვლილ ქართულ ენას. ჩაქვის წმინდა კეთილმორწმუნე დავითის სახელობის გიმნაზიაში ჩატარდა ქართული ენის დღისადმი მიძღვნილი კვირეული.მისი მიზანი იყო 14 აპრილის დღესთან დაკავშირებით მრავალფეროვანი ინფორმაციის გაცნობა,მოსწავლეთა მოტივაციის ამაღლება,მიღებული ცოდნის გაღრმავება და განმტკიცება ახალი მასალით,ჯგუფური მუშაობის,შემოქმედებითი და პრეზენტაციის უნარ-ჩვევების განვითარება.
VI კლასში ჩატარდა კლასსაათი თემაზე: "დედაენის დღე" სადაც ბავშვებმა საზოგადოებას კიდევ წრთხე შეახსენეს 1978 წლის 14 აპრილის მოვლენები.
VII-VIII კლასის მოსწავლეებმა დაამზადეს კედლის გაზეთები და ნახატები---თემა „ჩვენი ენა ქართული’“.ასევე დაამზადეს მოსწავლეთა ნამუშევრებით რესურსად წიგნის ელექტრონული ვერსია (https://read.bookcreator.com/3giV02S…/iOiTmuZJTFG4b3uIefsPOA)
გიმნაზიაში ჩატარდა მოსწავლეთა კონფერენცია სხვადასხვა თემაზე:წაკითხული წიგნის, სასულიერო და საზოგადო მოღვაწის შესახებ პრეზენტაცია,მონაწილეობა მიიღო VII,VIII და XI კლასის მოსწავლეებმა,რომელთაც წარმატებით გაართვეს თავი დავალებას.
ჟიურიმ შეაფასა ნამუშევრები და გამოავლინა I, II და III ადგილზე გასული გამარჯვებული მონაწილეები კალიგრაფიის კონკურსში.ისინი დაჯილდოვდნენ ფასიანი საჩუქრებითა და სერტიფიკატებით.კონკურსის პირველ ტურში მონაწილეობა მიიღო IV-XI კლასის მოსწავლეებმა.კონკურსის მიზანი იყო ქართული კალიგრაფიის კულტურისა და მონაწილეთა შემოქმედებითი უნარის წარმოჩენა.